أنا في الشعر ابن هذاك إذا إنته تعرف الشعر
أهيج في البحور أمواج أمشيهّا على كيفي
و اقولّك لا تجاريني ترى أمشي بدربٍ وعر
و إذا تبغي تجاريني ترى لك صامدٍ سيفي
و لا تضمن تحوز النصر و أنا بحر و انته نهر
و إذا عارضت تيّاري تبرّى موجي و سيفي
و كم من واحدً غيرك تعرض لي و جاه الكسر
و دارت به هبوب أرياح في أقوى عواصيفي
تهاجم سايل الأقلام و سطرٍ ما يهّزه سطر
و إنته وينها افكارك عن بيوتي و تهديفي
تبا روس العلا و انته تحول في طريقك حدر
تحاول بس ما تقدر بأن توصل مشاريفي
نجوم الليل ما تنور إذا بيّن شعاع البدر
وش اللي يجمع الوسمي على سحب و رْعد صيفي
تشوف الجاذبيه في هالدينا تجرك جر
أنا عكسه افرك وين ما أبغي على كيفي
الأربعاء أغسطس 20, 2008 8:06 pm
